Qanlı 20 Yanvar faciəsi Azərbaycan dövlətçiliyinin formalaşmasında mühüm ideoloji rol oynadı. Bu hadisə göstərdi ki, xalqın iradəsi ilə dövlətin taleyi ayrılmazdır. Müstəqil dövlət qurmaq arzusu məhz həmin qanlı gecədən sonra geri dönüşü olmayan mərhələyə qədəm qoydu.

20 Yanvar Azərbaycan cəmiyyətinə bir həqiqəti öyrətdi: güclü dövlət yalnız siyasi institutlardan deyil, milli yaddaşdan və tarixi dərslərdən yaranır. Bu faciənin dərsləri sonrakı illərdə dövlət quruculuğu prosesində əsas istiqamətlərdən birinə çevrildi.

Bu gün Azərbaycanın suveren siyasəti, güclü ordusu və beynəlxalq mövqeyi 20 Yanvar şəhidlərinin arzusunda olduğu azad gələcəyin real təzahürüdür. Lakin bu azadlıq daim qorunmalı, gələcək nəsillərə ötürülməlidir.

20 Yanvar təkcə keçmişin faciəsi deyil, gələcəyin məsuliyyətidir.


Ramal Vəliyev,
İş adamı