İraq ölkənin ən böyük yatağı olan Cənubi Rumeylada neft hasilatını dayandırıb.
Bu barədə İraqın "Shafaq News" informasiya portalı öz mənbəsinə istinadən məlumat yayıb.
"Rumeyla yatağının bütün quyularında neft hasilatı dayandırılıb", - deyə nəşrdə bildirilir.
Agentliyin məlumatına görə, hasilatın dayandırılması qərarı Yaxın Şərqdəki hərbi əməliyyatlarla əlaqədar "ixrac əməliyyatlarındakı fasilələr" səbəbindən verilib.

