Ukrayna Prezidenti Volodimir Zelenski bir neçə səfirin geri çağırılmasının səbəbini açıqlayıb.

Bu barədə o, ukraynalılara bugünkü videomüraciətində deyib.

“Mən bu gün Ukraynanın bəzi səfirlərinin geri çağırılması ilə bağlı fərmanlar imzaladım. Bu rotasiya məsələsidir və diplomatik praktikanın ümumi hissəsidir. Çexiya, Almaniya, Macarıstan, Norveç və Hindistana Ukraynanın yeni nümayəndələri təyin olunacaqlar”-deyə, o bildirib.

O qeyd edib ki, Ukrayna Xarici İşlər Nazirliyinin xətti ilə yeni namizədlər hazırlanır.

19:45

Zelenski daha 4 ölkədəki səfiri vəzifəsindən azad edib.

Ukraynanın Macarıstan, Çexiya, Norveç və Hindistandakı səfirləri tutduqları vəzifədən azad olunublar.

Bu barədə Volodimir Zelenski sərəncam imzalayıb.

Mənbə: Unian

19:23

Ukraynanın Almaniyadakı səfiri Andriy Melnik tutduğu vəzifədən azad edilib.

Bu barədə Ukrayna Prezidenti Volodimir Zelenski fərman imzalayıb.

Qeyd edək ki, Andrey Melnikin 47 yaşı var. O, 2014-cü ildən Ukraynanın Almaniyadakı səfiridir.

Mənbə: Segodnya