03 may 2024-cü il tarixdə Dağlıq Şirvan Gənclər və İdman İdarəsinin Ağsu rayonu üzrə gənclər və idman sektorunun təşkilatçılığı ilə Ümummilli lider Heydər Əliyevin anadan olmasının 101 illiyinə həsr olunmuş həvəskarlar arasında nərd üzrə rayon turniri keçirilmişdir.
Turnirin təşkil olunmasında əsas məqsəd Ümummilli lider Heydər Əliyevin xatirəsinin yad edilməsi, Heydər Əliyev məfkurəsinin təbliği və asudə vaxtın səmərəli təşkili olmuşdur.
Turnirin yekun nəticəsinə əsasən yarışın qalibi rayon sakini Əmrah Məmmədov, ikinci yerə Əzəmət Əliyev, üçüncü yerə isə gənclər və idman sektorunun əməkdaşı İlham Mehdiyev layiq görülmüşdür.
Qaliblər Dağlıq Şirvan Regional Gənclər və İdman İdarəsi tərəfindən diplomlarla mükafatlandırılmışdır.