Bərdədə ölümlə nəticələnən yol-nəqliyyat hadisəsi baş verib.

Hadisə avqustun 23-də Bərdə-Ağdam avtomobil yolunun Bərdə rayonunun Əliyanlı kəndindən keçən hissəsində qeydə alınıb.

Belə ki, 2000-ci il təvəllüdlü Elmir Türbəndəyev idarə etdiyi “Toyota Prius” markalı avtomobillə hərəkətdə olarkən yolu keçən 1977-ci il təvəllüdlü İlyas Aslanovu vurub.

Piyada aldığı xəsarətlərdən Bərdə Rayon Mərkəzi Xəstəxanasında ölüb.

Faktla bağlı Bərdə Rayon Polis Şöbəsində Cinayət Məcəlləsinin 263.2-ci maddəsi ilə cinayət işi başlanıb, istintaq aparılır.