Bu gün M.F.Axundzadə adına Şəki şəhər Mədəniyyət Mərkəzinin tabeliyində fəaliyyət göstərən Səməd Vurğun adına Folklor Evində Azərbaycanlı partizan, ll Dünya müharibəsi dövründə kəşfiyyat-təxribat qrupunun rəhbəri olmuş, Sovet ittifaqı qəhrəmanı Mehdi Hüseynzadənin 105 illiyi münasibətilə ədəbi-bədii gecə keçirilib.Tədbirdə Şəki şəhər 11 nömrəli Tam orta məktəbin yuxarı sinif şagirdləri və kitabxana işçiləri yaxından iştirak edib.
Əvvəlcə torpaqların ərazi bütövlüyü uğrunda canlarından keçmiş qəhrəman Şəhidlərin əziz xatirəsi ehtiramla anılıb. Sonra Mehdi Hüseynzadənin həyatından, döyüş yollarından bəhs edən video görüntülər nümayiş edilib. Şəki şəhər Veteranlar Cəmiyyətinin sədri Mustafa Əhmədov öz çıxışı zamanı Mehdi Hüseynzadənin həyat yolu barədə geniş məlumat verib.Müğənnilər vətənpərvər mahnıları ilə çıxış ediblər. Tamaşaçılar çıxışları yüksək alqışlarla qarşılayıb.
Sonda Folklor Evinin direktoru Şahmar Əsədov tədbirdə iştirak edənlərə öz minnətdarlığını bildirib.