Rusiya Erməniləri İttifaqı Erməni Apostol Kilsəsinin müdafiəsi ilə bağlı beynəlxalq onlayn konfrans keçirəcək.

Bunu “RİA Novosti”yə SAR rəhbəri Ara Abramyan deyib.

O qeyd edib ki, Ermənistanda baş verənlərdən qəzəblənən bütün dünyadakı ermənilərdən ona zənglər gəlir.

“Mənə dünyanın müxtəlif ölkələrindən zənglər gəlir ki, cənab Abramyan, bu necə mümkündür? Çünki bir çox insanlar Ermənistana getməkdən qorxurlar. Mən kilsənin müdafiəsi üçün ümumerməni konfransı təşkil etmək niyyətindəyəm ki, hamı öz fikrini bildirsin”, - deyə Abrahamyan deyib.

Onun fikrincə, həqiqətən dindar insanlar Kilsənin müdafiəsi üçün çıxış etməkdən və bu məsələdə öz fikirlərini bildirməkdən çəkinməməlidirlər.

Abrahamyan onu da xatırladıb ki, o, erməni diasporu təşkilatlarından birinin - Dünya Erməni Konqresinin rəhbəridir və bu struktur da gələcək konfransda iştirak edəcək.