ABŞ prezidenti Donald Tramp çərşənbə axşamı təfərrüatları açıqlamadan bildirib ki, “Patriot” hava hücumundan müdafiə sistemləri üçün raketlər artıq yeni çatdırılma mexanizmi çərçivəsində Ukraynaya göndərilib.

Bu barədə BBC məlumat yayıb.

“Onlar artıq göndərilib”, - Tramp “Patriot” raketləri ilə bağlı sual verməyə başlayan müxbirin sözünü kəsib.

"Onlar Almaniyadan gəlirlər və sonra Almaniya onları əvəz edəcək. Və bütün hallarda ABŞ-a tam ödəniləcək", - ABŞ prezidenti deyib.

Rusiya nefti alan ölkələrə qarşı ikinci dərəcəli sanksiyaların Amerika istehlakçılarına zərər verə biləcəyi ilə bağlı suala Tramp belə cavab verib:

"Mən belə düşünmürəm. Düşünürəm ki, bütün bunlar sonda aradan qalxacaq. Putin də "Mən sülh istəyirəm, sülh istəyirəm" deyir, amma o, hələ dediyini etməyib. Ona görə də düşünürəm ki, bu olmalıdır".