Perunun paytaxtında yerləşən "Maido" restoranı "Dünyanın 50 ən yaxşı restoranı" illik reytinqində birinci yeri tutub.
"Maido" 2009-cu ildə Limada açılıb, yerli və yapon mətbəxi üzrə ixtisaslaşıb. Restoranın aşpazı yaponəsilli perulu Mitsuharu Tsumuradır.
Ardıcıl olaraq ikinci il ikinci yeri 2009-cu ildən bəri yalnız bir dəfə reytinqə daxil edilməyən ispan restoranı "Asador Extebarri" tutub.
Üçüncü yeri Meksika "Quintonil", dördüncü yeri Madriddə "Divertxo", beşinci yeri isə Kopenhagendə "Alchemist" restoranı tutub.
İlk 10-luğa həmçinin iki Asiya restoranı (Tailandda "Gaggan" və Tokioda "Sezanne"), aşpaz Brüno Verjüsun "Table" fransız restoranı və Latın Amerikasından daha iki müəssisə (Peruda "Kjolle" və Argentinada "Don Julio") daxil olub.