Amerika qoşunlarının Fars körfəzindəki Xark adasına yeridilməsi ABŞ üçün fəlakətlə nəticələnəcək.
Bu barədə ABŞ Milli Terrorla Mübarizə Mərkəzinin keçmiş direktoru Co Kent xəbərdarlıq edib.
"Mən sadəcə hesab edirəm ki, bu, fəlakət olacaq. Bu, əslində İrana dron və raketlərlə bombalaya biləcəkləri bir adada bir dəstə girov vermək demək olardı", - deyə o bildirib.
Bundan əvvəl Kent ABŞ Prezidenti Donald Trampın İrana qarşı hərbi əməliyyata başlamaq qərarı ilə razılaşmadığını ifadə edib. O, etiraz əlaməti olaraq vəzifəsindən istefa verib və qeyd edib ki, Amerika liderinin rəhbərliyi altında çalışmaq onun üçün şərəf olub.