Moskva iki ölkə arasındakı mübahisəni qeyri-rəsmi həll etməyə çalışmaq üçün Bakıya qeyri-rəsmi nümayəndə heyəti göndərmək niyyətindədir.

Bu barədə “VChK-OGPU” Telegram kanalı mənbəyə istinadən məlumat yayıb.

Mənbənin sözlərinə görə, nümayəndə heyəti “şəxsən Putindən” mesaj verəcək və həbs olunanların “mübadiləsini” də təklif edə bilər.

Mənbə istisna etmir ki, qeyri-rəsmi nümayəndə heyətinə Putinin keçmiş şəxsi adyutantı və hazırkı fövqəladə hallar naziri, Azərbaycan nümayəndələri ilə yaxşı şəxsi münasibətləri olan Aleksandr Kurenkov rəhbərlik edə bilər.

Mənbənin sözlərinə görə, hazırda Kreml Azərbaycanla münasibətləri çətinləşdirməyi planlaşdırmır. Bu, Moskvanın maraqlarına uyğun deyil və bir neçə istiqamətdə konflikt aparmaq və mühüm regionda strateji tərəfdaşını itirmək Rusiyanın marağında deyil”.