Abşeron-Xızı Regional Təhsil İdarəsinin tabeliyində fəaliyyət göstərən ümumi təhsil müəssisələrində 27 Sentyabr – Anım Günü ilə əlaqədar tədbirlər keçirilib.
Tədbirlərdə Vətən müharibəsi şəhidlərinin əziz xatirəsi ehtiramla yad edilib, onların qəhrəmanlıq yolu və Vətən uğrunda göstərdikləri fədakarlıqlardan bəhs olunub.
Həmçinin dərs saatlarında şagirdlərlə Anım Gününün tarixi əhəmiyyəti barədə söhbətlər aparılıb, şəhidlərin əziz xatirəsinə həsr olunan təqdimatlar və müxtəlif mövzularda maarifləndirici tədbirlər təşkil edilib.