“Biz koronavirusu dayandırmağı bacarana qədər o, həyatımızda olacaq. Bunu başa düşməliyik”.



Oxu.Az-ın məlumatına görə, bunu Ümumdünya Səhiyyə Təşkilatının (ÜST) Azərbaycan nümayəndəliyinin rəhbəri Hande Harmancı deyib.



Onun sözlərinə görə, koronavirusla mübarizə üçün qarşımızda uzun bir yol var:



“Xoşumuza gəlməyən, öyrəşmədiyimiz, bizim üçün çətin olacaq işləri etmək məcburiyyətində olacağımız aylar var. Bunun başqa, qısa yolu yoxdur. Hər kəs fiziki məsafəni qorusun, əllərini yusun və maska taxsın”.

“Tibb işçiləri, test edin, özünüzü təcrid edin, təmasda olduğunuz insanları müəyyən edin və onları karantinə alın. Yalnız bu şəkildə özümüzü və yaxınlarımızı qoruya bilərik”, - deyə ÜST rəsmisi qeyd edib.