Ermənistanda müxalif media Liberal-Demokrat Partiyasının keçmiş lideri, mərhum Vladimir Jirinoviskinin Paşinyanla bağlı “öncəgörməsini” tirajlayıb.

Jirinoskinin bir çox proqnozu, xüsusilə Ukrayna və Yaxın Şərqdə baş verəcək hadisələrlə bağlı öncədən verdiyi açıqlamalar ölümündən sonra intensiv şəkildə gündəmə gətirilir. Onun Ermənistanla bağlı verdiyi proqnoz isə Paşinyan hakimiyyətinin əleyhdarlarının ürəyincədir.

Jirinoski 2021-ci ildər bildirirdi ki, Ermənistanda böyük təlatümlər olacaq.

“Orada hərbi çevriliş olacaq, ölkədə yeni rejim qurulacaq. Respublikanın baş naziri Nikol Paşinyan xaricə qaçacaq, yaxud ABŞ səfirliyində gizlənəcək. Bəlkə də Türkiyəyə qaçacaq”, - Jirinoviski proqnozlaşdırırdı.

Ermənistanda müxalif media bu “öncəgörmələri” tirajlamaqla Paşinyanın “tezliklə hakimiyyətdən gedəcəyi” təbliğatını aparır.