Birləşmiş Ştatların kosmosa silah yerləşdirməsi lazımdır.

Bu barədə ABŞ Kosmik Komandanlığının rəhbəri general Stiven Uaytinq bildirib.

"Vaxt yetişdi və biz açıq şəkildə deyə bilərik ki, bizə kosmosda atəş gücü və silah sistemləri lazımdır. Bizə orbiti ələ keçirən qurğular lazımdır. Bizə bu silahlar kosmik münaqişənin qarşısını almaq və belə bir münaqişəyə girəcəyimiz təqdirdə uğur qazanmaq üçün lazımdır", - deyə general bildirib.

Nəşr qeyd edir ki, əvvəllər Amerika rəsmiləri kosmosa silah yerləşdirmək zərurəti barədə o qədər də açıq danışmamışdılar.

Xatırladaq ki, ötən ilin aprelində Uaytinq bildirib ki, dünyanı gələcəkdə kosmosda döyüşlər gözləyir, lakin ABŞ belə hərəkətləri həm özünə, həm də müttəfiqlərinə zərərli hesab etdiyi üçün bunu istəmir.