"Avropa Rusiya prezidenti Vladimir Putinin ölkəyə təsir göstərmək cəhdlərinə qarşı mübarizədə Moldovaya kömək etməyə davam edəcək."

Bu sözü Almaniyanın xarici işlər naziri Annalena Berbok verib.

Onun sözlərinə görə, Moskva bu ilin payızında Moldovada keçiriləcək parlament seçkilərinə təsir etmək niyyətindədir.

Ölkəyə səfəri zamanı o, Putinin dezinformasiya, saxta xəbər kampaniyaları və səs satınalma yolu ilə “bir daha Moldovada demokratiya və azadlığı sarsıtmağa çalışacağını” bildirib.

Qeyd edək ki, martın 31-də Moldova Xarici İşlər Nazirliyi Rusiya səfirliyinin üç əməkdaşını “persona non-grata" ("arzuolunmaz şəxs") elan edib. Ölkənin hakimiyyət orqanları onların fəaliyyətinin respublika ərazisindəki diplomatik statuslarına zidd olduğunu bəyan ediblər.