05-06 oktyabr 2024-cü il tarixlərində Ağsu Tədris Mərkəzində "Kənd gəncləri üçün əsas həyat bacarıqları proqramı" adlı layihə baş tutub.
Layihə çərçivəsində gənclər üçün Əsas Həyat Bacarıqları istiqamətində "Effektiv ünsiyyət", "Qərarvermə", "Problem həlletmə", "Komanda işi", "Zamanın idarə edilməsi" və "Emosional zəka" mövzularında təlim keçirilib, həmçinin mövzu ilə əlaqədar simulyasiya və rol oyunları, eləcə də maraqlı enerjizerlər təşkil olunub.
Layihənin məqsədi, kənd gənclərinin şəxsi və peşəkar inkişafına töhfə vermək, onlarda sosial və emosional bacarıqları inkişaf etdirərək, gələcəkdə daha güclü və müstəqil qərarlar qəbul etmələrinə dəstək olmaqdır.
Qeyd edək ki, layihə Azərbaycan Gənclər Fondunun maliyyə dəstəyi, Dağlıq Şirvan Regional Gənclər və İdman İdarəsinin və Gənclərin İnkişaf və Karyera Mərkəzinin Dağlıq Şirvan regional nümayəndəliyinin birgə təşkilatçılığı ilə keçirilib.
#AZEgənclər #AZEidman #birkimibirlikdə