25 may 2024-cü il tarixdə İsmayıllı Olimpiya İdman Kompleksində Dağlıq Şirvan Regional Gənclər və İdman idarəsi, Azərbaycan Kikboksinq Fedarasiyası və İsmayıllı XTQ Kikboksinq klubunun birgə təşkilatçılığı ilə kikboksinq idman növü üzrə kadetlər, yeniyetmələr və gənlcər arasında "Zəfər " Kuboku keçirilib.
Yarışın keçirilməsinin əsas məqsədi yeniyetmələr və gənclər arasında təkmübarizəli idman növlərinin təkminləşdirilməsi və özgüvənin yaranması , asudə vaxtlarını daha düzgün yönümlü istiqamətləndirilməsi və zərərli vərdişlərdən çəkindirilməsi olub.
Dövlət Himnimizin sədaları altında tədbir açıq elan edildikdən sonra torpaqlarımızın azadlığı uğrunda canlarını fəda etmiş şəhidlərimizin və Ulu Öndər Heydər Əliyevin əziz xatirəsi bir dəqiqəlik sükutla yad edildi.
Tədbirdə Rayon İcra Hakimiyyətinin nümayəndəsi Bəhruz Xələfov, Dağlıq Şirvan Regional Gənclər və İdman idarəsinin rəisi Taleh Salehov başda olmaqla idarənin digər əməkdaşları, İsmayıllı Olimpiya İdman Kompleksinin direktoru Xamis Bədəlov , İsmayıllı XTQ Kikboksinq idman Klubunun direktoru Bayram Qəhrəmanov , Azərbaycan Kikboksinq Federasiyasının Əməkdar məşqçiləri , yüksək dərəcəli hakimləri və digər nümayəndələri iştirak ediblər.
Tədbirin bədii hissəsində"Tərəqqi" medallı,Əməkdar mədəniyyət işçisi Sahibə Abdullayeva vətənpərvərlik mahnıları ifa edib.
Yekunda müxtəlif çəki dərəcəsində I ,II və III yerləri qazanan idmançılar təşkilatçılar tərəfindən diplom , medal və kubokla mükafatlandırılıblar.