03 aprel 2024-cü il tarixdə Ağsu şəhər Aslan Nadirov adına 1 nömrəli məktəb-liseydə Dağlıq Şirvan Regional Gənclər və İdman İdarəsinin Ağsu rayonu üzrə gənclər və idman sektorunun, Dağlıq Şirvan Regional Təhsil İdarəsinin Ağsu rayon təhsil sektorunun, FHN-nin Ağsu rayonu üzrə şöbəsinin və Səfərbərlik və Hərbi Xidmətə Çağırış üzrə Dövlət Xidmətinin Ağsu rayon şöbəsinin birgə təşkilatçılığı ilə təsdiq olunmuş Əsasnaməyə uyğun olaraq “Şahin” hərbi-idman oyununun rayon birinciliyi keçirilib.
Tədbiri Ağsu rayonu üzrə gənclər və idman sektorunun müdiri Azər Kərimli açıq elan etmişdir. Daha sonra iştirakçı komandalara Əsasnaməyə uyğun olaraq oyunun qaydaları izah olunub.
Yarışın mərhələləri Əsasnamədə nəzərdə tutulmuş ardıcıllıqla həyata keçirilmiş, sonda qaliblər aşağıdakı kimi müəyyən edilib:
I yer -Ağsu şəhər 4 nömrəli tam orta məktəb
II yer - Aslan Nadirov adına Ağsu şəhər 1 nömrəli məktəb-lisey
III yer - Polad Mirzəyev adına Ağsu şəhər 5 nömrəli tam orta məktəb
Qaliblər Dağlıq Şirvan Regional Gənclər və İdman İdarəsinin diplomları ilə təltif olunub.