05 aprel 2024-cü il tarixində Şamaxı rayonu üzrə gənclər və idman sektorunun akt zalında Dağlıq Şirvan Regional Gənclər və İdman İdarəsinin Şamaxı rayonu üzrə gənclər və idman sektorunun və Dağlıq Şirvan Regional Təhsil İdarəsinin Şamaxı rayon təhsil sektorunun birgə təşkilatçılığı ilə rayonda fəaliyyət göstərən ümumtəhsil tam orta məktəblərinin şagirdləri arasında "Zəfər tarixi- Qarabağ Azərbaycandır!” adlı bədii qiraət müsabiqəsi keçirildi.
İlk öncə Dövlətimizin müstəqilliyi, ərazi bütövlüyü uğrunda canından keçmiş qəhrəman vətən övladlarının-Şəhidlərimizin əziz xatirəsi bir dəqiqəlik sükutla yad edildi. Sonra müsabiqə iştirakçıları mövzuya uyğun hazırladıqları şeir parçalarını səsləndirdilər.
Qeyd edək ki, müsabiqədə 15 məktəb üzrə 15 nəfər şagird iştirak edirdi.
Sonda münsiflər heyyətinin qərarına əsasən Şamaxı Avropa liseyinin şagirdi Əlizadə Nihad I yerə, Şamaxı rayon Şəhriyar qəsəbə tam orta məktəbinin şagirdi Sərxanova Gülbahar II yerə, şəhər 6 saylı tam orta məktəbin şagirdi Ağayeva Gülər isə III yerə layiq görüldülər.
Qalibləri və bütün iştirakçıları təbrik edir, növbəti müsabiqələrdə uğurlar arzulayırıq.