05 mart 2024-cü il tarixdə Ağsu rayon Təhsil sektorunun iclas zalında Dağlıq Şirvan Regional Gənclər və İdman İdarəsinin Ağsu rayonu üzrə gənclər və idman sektorunun və Gənclərin İnkişaf və Karyera Mərkəzinin Ağsu rayon nümayəndəliyinin birgə təşkilatçılığı ilə “İdman Həftəsi” çərçivəsində "5 Mart-Bədən Tərbiyəsi və İdman Günü" münasibətilə rayonun idman ictimaiyyəti ilə görüş keçirilmişdir.

Tədbir Azərbaycan Respublikasının Dövlət Himninin səsləndirilməsi ilə açıq elan edilmiş, şəhidlərimizin ruhu bir dəqiqəlik sükutla yad edilmişdir.

Çıxış edənlər dövlətimizin idmana olan diqqət və qayğısından söz açmış, rayonumuzda ötən il ərzində qazanılmış nailiyyətlər və gələcək perspektivlər barədə fikir mübadiləsi apardılar. Daha sonra çıxışçılar görüş iştirakçılarını "5 Mart-Bədən Tərbiyəsi və İdman Günü" münasibətilə təbrik etmiş, onlara gələcək fəaliyyətlərində uğurlar arzulamışlar. Sonda rayonun idman həyatında fəal iştirak edən məşqçi, müəllim və idmançılar Dağlıq Şirvan Regional Gənclər və İdman İdarəsinin Fəxri Fərmanları ilə təltif olunublar.

#AZEgənclər #AZEidman #birkimibirlikdə