17 noyabr 2023-cü il tarixdə Ağsu rayon Mərkəzi Kitabxanasında Dağlıq Şirvan Regional Gənclər və İdman İdarəsinin Ağsu rayonu üzrə gənclər və idman sektorunun, Dağlıq Şirvan Regional Mədəniyyət İdarəsinin Ağsu rayon Mədəniyyət Mərkəzinin, Ağsu rayon Mərkəzləşdirilmiş Kitabxana Sisteminin və DQİDK Şamaxı bölgəsi üzrə şöbəsinin birgə təşkilatçılığı ilə “17 noyabr - Milli Dirçəliş Günü” ilə bağlı dəyirmi masa keçirilmişdir.
İlk öncə torpaqlarımızın azadlığı uğrunda canlarını fəda etmiş şəhidlərimizin və Ulu Öndər Heydər Əliyevin əziz xatirəsi bir dəqiqəlik sükutla yad edilib.
Çıxış edənlər Milli Dirçəliş gününün tarixi əhəmiyyətindən bəhs edərək bildirdilər ki, xalqımızın azadlıq mübarizəsinin əsas mərhələlərindən birini təşkil edən "17 Noyabr- Milli Dirçəliş Günü" Azərbaycan müstəqilliyinin bərpa edilməsində tarixi rol oynayır. Mənəvi əsaslarını və başlanğıcı ötən əsrin 60-cı illərindən götürən bu tarix sonralar Ulu Öndər Heydər Əliyevin siyasi uzaqgörənliyi və müdrikliyi ilə dönməz xarakter aldı, müstəqil Azərbaycan müasir inkişaf yoluna qədəm qoydu. Milli dirçəlişdən milli tərəqqiyə doğru uzanan tarixi yolun başlanğıcı qoyuldu.