11 oktyabr 2023-cü il tarixdə “Beynəlxalq Qızlar Günü”nündə İsmayıllı Olimpiya İdman Kompleksində Dağlıq Şirvan Regional Gənclər və İdman İdarəsi, Dağlıq Şirvan Regional Təhsil İdarəsi və İsmayıllı Olimpiya İdman Kompleksinin birgə təşkilatçılığı ilə “18 Oktyabr-Müstəqilliyin Bərpası Günü” münasibətilə həndbol idman növü üzrə İsmayıllı rayon birinciliyi keçirilib.
İlk öncə Azərbaycanın ərazi bütövlüyü uğrunda mübarizədə canlarını qurban vermiş şəhidlərimizin və Ümummilli Lider Heydər Əliyevin əziz xatirəsi bir dəqiqəlik sükutla yad olundu.
Tədbirdə Dağlıq Şirvan Regional Gənclər və İdman İdarəsinin rəis müavini və idman sektorunun müdiri , fiziki tərbiyə müəllimləri,məktəbli qızlar iştirak ediblər.
Birinciliyin keçirirlməsində məqsəd gənclər arasında vətənpərvərlik və vətəndaşlıq tərbiyəsinin yüksəldilməsi, sağlam həyat tərzinin təbliğ olunması, bu idman növünə marağın artırılması olub.
Tədbirdə çıxışçılar qeyd edərək bildiriblər ki, Azərbaycan dövlət müstəqilliyini 20-ci əsrin əvvəlində əldə edib. 1918-ci ildə ölkəmizdə ilk demokratik respublika yaradan Azərbaycan xalqı daha sonra baş vermiş ictimai-siyasi dəyişikliklər nəticəsində milli azadlığından, dövlət müstəqilliyindən məhrum olmuşdu. 1991-ci ildə Sovetlər İttifaqının dağılması ilə Azərbaycan xalqı öz dövlət müstəqilliyini bərpa etmişdir.
Maraqlı və gərgin keçən birincilikdə İsmayıllı şəhər 5 nömrəli tam orta məktəb birinci yeri, İsmayıllı rayon Aqil Məmmədov adına Diyallı kənd tam orta məktəbi ikinci yeri və İsmayıllı şəhər 7 nömrəli tam orta məktəb isə üçüncü yeri qazanıblar.Qalib komandalar DŞR Gənclər və İdman İdarəsi tərəfindən kubok və diplomla mükafatlandırılıblar.