ABŞ-da yeni seçilmiş prezident Donald Trampın andiçmə mərasimindən və hakimiyyət dəyişikliyindən əvvəl Rusiya və İran yeni strateji tərəfdaşlıq sazişi imzalaya bilər.

Bu barədə "Newsweek" məlumat yayıb.

Bildirilir ki, Tehran və Moskva arasında belə bir razılaşma iki dövlətin dünya səhnəsindən təcrid olunduğu üçün qüvvələrini birləşdirmək cəhdinə bənzəyir.

Qeyd olunur ki, ölkələr arasında strateji tərəfdaşlıq haqqında belə bir saziş uzun illər ərzində hazırlanıb. Oktyabrda Rusiyanın xarici işlər naziri Sergey Lavrov bəyan edib ki, saziş yaxın gələcəkdə imzalanmağa hazır olacaq və tərəflərin müdafiə sahəsində sıx əməkdaşlığı, regional və qlobal sülh və təhlükəsizlik maraqları naminə qarşılıqlı fəaliyyətə dair öhdəliklərini rəsmiləşdirəcək.