"Comex" birjasında qızılın bir troy unsiyasının qiyməti aprelin 2-dən bəri ilk dəfə olaraq 3200 dollar həddini keçib.

Bakı vaxtı ilə saat 2:33-ə olan məlumata görə, 2025-ci ilin iyun ayında çatdırılma üzrə qızıl fyuçerslərinin qiyməti bir troy unsiyası üçün 3209,7 dollar (+2,17%) təşkil edib.

Aprelin 3-də "Comex" birjasında qızılın qiymətinin yeni tarixi rekorda imza atdığı bildirilir.

Aprelin 2-də keçirilən ticarət zamanı qiymətli metalın çatdırılması üzrə fyuçerslər 1,12% bahalaşaraq 1 troya unsiyası (31,1 qram) üçün 3201,6 dollara çatıb.

Qızılın belə qiyməti tarixdə heç vaxt qeydə alınmayıb.