“Sağlam həyat naminə narkotikə yox deyək” mövzusunda tədbir keçirilmişdir.
18 avqust 2023-cü il tarixində Mərkəzi Aran Regional Gənclər və İdman İdarəsinin Ağdaş rayonu üzrə gənclər və idman sektorunun təşkilatçılığı ilə sektorun akt zalında “Sağlam həyat naminə narkotikə yox deyək” mövzusunda toplantı keçirilib.
İlk öncə tədbir iştirakçılarına narkomaniya və onun törətdiyi fəsadlar haqqında video film nümayiş olundu.
Tədbiri giriş sözü ilə açan Ağdaş rayonu üzrə Gənclər və İdman Sektorunun müdiri Samir İsrəfilov narkomaniyaya, yeniyetmələr və gənclər üçün böyük təhlükə mənbəyi olan "ağ ölüm"ə qarşı həyata keçirilən genişmiqyaslı maarifləndirmə tədbirlərinin rayonumuzda da mütəmadi keçirildiyindən danışıb, narkomaniya və onun cəmiyyətdə törətdiyi fəsadlar haqqında ətraflı məlumat verib.
Sonra digər natiqlər çıxışlarında bəşəriyyət üçün ən böyük bəlalardan olan narkomaniyanın törətdiyi fəsadlara qarşı mübarizənin bu gün xüsusilə aktual xarakter daşıdığını bu istiqamətdə mühüm tədbirlər həyata keçirildiyini bildirdilər.