01 noyabr 2024-cü il tarixində İsmayıllı Dövlət Peşə Təhsil Mərkəzinin təşəbbüsü,Dağlıq Şirvan Regional Gənclər və İdman İdarəsi, İsmayıllı Dövlət Humanitar və Texnologiya Kolleci və İsmayıllı Dövlət Peşə Təhsil Mərkəzinin birgə təşkilatçılığı ilə ????????“Zəfər Günü” münasibətilə gənclər arasında İsmayıllı rayon Şəhidlər Xiyabanından Mərkəzi Meydana qədər “ Zəfər qaçışı” adlı kros qaçışı üzrə yarış təşkil edilib.
Tədbir öncəsi şəhidlərin xatirəsinə ucaldılan abidə kompleksinin önünə gül dəstələri qoyulub, Vətənin azadlığı, suverenliyi və ərazi bütövlüyü uğrunda canlarından keçən vətən oğullarının əziz xatirəsi böyük ehtiramla yad olunub.
İdman yarışının açılışında İsmayıllı Rayon İcra Hakimiyyətinin məsul əməkdaşı, Dağlıq Şirvan Regional Gənclər və İdman İdarəsinin rəisi və əməkdaşları, İsmayıllı Dövlət Humanitar və Texnologiya Kolleci və İsmayıllı Dövlət Peşə Təhsil Mərkəzinin müəllimləri, tələbə və şagirdləri və Azərbaycan Təhsil İşçiləri Azad Həmkarlar İttifaqı İsmayıllı rayon komitəsinin sədri iştirak ediblər.
Maraqlı və gərgin keçən idman yarışında qaliblərə Dağlıq Şirvan Regional Gənclər və İdman İdarəsinin diplomları, İsmayıllı Dövlət Peşə Təhsil Mərkəzinin medal və Kubokları, Azərbaycan Təhsil İşçiləri Azad Həmkarlar İttifaqı İsmayıllı rayon komitəsi tərəfindən isə qiymətli hədiyyələr təqdim olunub.
Qeyd edək ki, “ Zəfər qaçışı” adlı kros qaçışı üzrə yarışma həm oğlanlar, həm də qızlar arasında keçirilib.
#AZEidman #AZEgənclər #ZəfərGünü #ZəfərQaçışı