Bu gün Çexiyanın paytaxtı Praqada cüdo üzrə gənclərin Avropa çempionatında qarışıq komanda yarışları keçiriləcək.

“Report”un məlumatına görə, Azərbaycan millisi 1/8 final mərhələsində Avstriya yığması ilə üz-üzə gələcək.

Bu cütün qalibi 1/4 finalda Gürcüstan seçməsi ilə görüşəcək.

Qeyd edək ki. Azərbaycan yığması qitə birinciliyində fərdi mübarizəni beş medalla bitirib.

Vüsal Qələndərzadə (73 kq), Elcan Hacıyev (81 kq) və Vüqar Talıbov (90 kq) qızıl, Turan Bayramov (60 kq) gümüş, İsmayıl Zamanov (90 kq) bürünc medal qazanıb.