İngiltərənin qadınlardan ibarət yığması 2022-ci il futbol üzrə Avropa Çempionatının qrup mərhələsində beş rekorda imza atıb.

Komanda Norveçdən olan rəqiblərini 8:0 hesabı ilə məğlub edərək, turnir tarixinin ən böyükhesablı qələbəsini qazanıb. Həmçinin, ingilislər qrup mərhələsində də ən çox qol vuran milli komanda olub. Futbolçular üç matçda 14 dəfə fərqləniblər.

Bununla yanaşı, komanda ilk yarıda ən çox qol vuran (6 qol) yığma adını qazanıb.

İngiltrə millisi bir matçda və bütün oyunlar ərzində rekord izləyici sayına sahibdir. Onların ev oyununu 68 871 nəfər izləyib. Üç oyuna isə toplam 128 503 nəfər gəlib.

Qeyd edək ki, son olaraq İngiltərə seçməsi iyulun 15-də Şimali İrlandiyaya qarşı meydana çıxıb. Sauthemptondakı Sent Meri Stadionunda oynanılan qarşılaşmada ev sahibləri 5:0 üstün olublar.