Qubada yerləşən Heydər Əliyev Mərkəzinin təmir edilməsi üçün 1,5 milyon manatdan çox vəsait ayrılıb.
Bu barədə “Əsaslı Tikinti və Təchizat” MMC açıq tender elan edib.
Müsabiqənin qalibi olacaq şirkətə Quba rayon Heydər Əliyev Mərkəzi binasının cari təmiri üçün 1 milyon 500 min 467,94 manat ödəniş ediləcək.
Tenderlə bağlı təkliflərin son təqdim olunma və zərflərin açılış tarixi sentyabrın 10-na təyin olunub.
Qeyd edək ki, Quba rayonu Heydər Əliyev Mərkəzi 2005-ci il iyulun 25-dən Prezident İlham Əliyevin iştirakı ilə Heydər Əliyev adına mədəniyyət və istirahət parkında fəaliyyətə başlayıb.