İslam İnqilabı Keşikçiləri Korpusu (SEPAH) İranın Yaxın Şərq ölkələrindəki Amerika hərbi obyektlərinə hücum etdiyini açıqlayıb.
Bu barədə "Tasnim" agentliyi məlumat yayıb.
SEPAH-ın bəyanatında bildirilir ki, uğurlu əməliyyat zamanı İranın raket və pilotsuz uçuş aparatları bölmələri zərbə dronları və yüksək dəqiqlikli ballistik raketlərdən istifadə edərək, BƏƏ-dəki "Əd-Dafra" bazasının "Patriot" radarlarına, dispetçer qülləsinə və hava hücumundan müdafiə anqarlarına sarsıdıcı zərbələr endirib.
Bundan əlavə, İran qüvvələri Küveytdəki "Əl-Adiri" bazasındakı anqarlara, həmçinin Bəhreyndəki "Şeyx-İsa" bazasına hücum edib; sonuncunun ərazisində anqarlar, radarlar və yanacaq çənləri vurulub.