Martın 11-də Rusiya taxılının növbəti partiyası Azərbaycan ərazisindən tranzit keçməklə Ermənistana yola salınacaq.
Bu partiya çərçivəsində 1023 ton taxıl yüklənmiş 11 dəmir yolu vaqonu göndəriləcək.
Qeyd edək ki, bu, mart ayı ərzində həyata keçirilən ikinci belə böyük daşınmadır. Belə ki, cəmi iki gün əvvəl — martın 9-da 488 ton taxıl daşıyan 7 vaqon Biləcəri stansiyasından Ermənistana doğru yola salınmışdı.
Daşınma prosesi aşağıdakı marşrut üzrə həyata keçirilir:
Yola düşmə nöqtəsi: Biləcəri Dəmiryol Stansiyası (Bakı);
Sərhəd keçidi: Böyük Kəsik stansiyası vasitəsilə Gürcüstan ərazisinə keçid;
Təyinat: Gürcüstan üzərindən Ermənistana çatdırılma.
2025-ci ilin noyabr ayından etibarən bu tranzit marşrutu ilə Rusiyadan Ermənistana ümumilikdə 22 min tondan çox taxıl və 600 tondan artıq gübrə daşınıb.