Türkiyə prezidenti Rəcəb Tayyib Ərdoğan bazar ertəsi Nazirlər Kabineti ilə Azərbaycan və Ermənistanın avqustun 8-də Ağ Evdə əldə etdiyi razılaşmaları müzakirə etmək niyyətindədir.

Bu barədə "CNN Türk" məlumat yayıb.

"ABŞ-da Azərbaycan Prezidenti İlham Əliyevlə Ermənistanın baş naziri Nikol Paşinyan arasında sənəd imzalanıb. Ərdoğan bunun nəticələrini müzakirə etmək niyyətindədir", - məlumatda deyilir.

İclasın xarici siyasət gündəminin əsas mövzusu Qəzzadakı vəziyyət olacaq. Türkiyənin xarici işlər naziri Hakan Fidanın bu mövzuda təmasları barədə prezidentə məlumat verməsi gözlənilir.

Xatırladaq ki, avqustun 8-də baş tutan Vaşinqton görüşündə Prezident İlham Əliyev və Ermənistanın baş naziri Nikol Paşinyan ABŞ prezidenti Donald Trampın iştirakı ilə Birgə Bəyannamə imzalayıblar.