Əlavə hərbi yardım almaq üçün Almaniyaya səfər edən Ukrayna lideri Vladimir Zelenski Qərb müttəfiqlərini Rusiyanın "qırmızı xətti"nə məhəl qoymamağa çağırıb.

Onun çağırışını "Reuters" dərc edib.

“Bizə bu uzaqmənzilli silahlar təkcə Ukrayna ərazisində deyil, həm də Rusiya ərazisində lazımdır", - deyə prezident bildirib.

Qeyd edək ki, bundan əvvəl ABŞ Müdafiə Nazirliyinin sözçüsü Patrik Rayder bildirmişdi ki, Birləşmiş Ştatlar rəhbərliyi Kiyevin Rusiya ərazisinə Qərb silahları ilə zərbə endirmək üçün tətbiq etdiyi mövcud məhdudiyyətləri ləğv etməyəcək.

Eyni zamanda, Pentaqonun mətbuat katibinin müavini Sabrina Sinq deyib ki, Ukraynanın uzaqmənzilli silahlardan istifadə etməsi səmərəsiz olacaq, çünki bu halda raketlər Rusiya ərazisindəki hərbi aerodromlara təsir etməyəcək.