‎Dağlıq Şirvan Regional Təhsil İdarəsinin tabeliyində fəaliyyət göstərən ümumtəhsil müəssisələrinin VIII-X sinif şagirdləri arasında "Şəhərsalma və Memarlıq İli"nə həsr olunmuş intellektual məktəb çempionatının zona mərhələsi keçirilib.

Şamaxı şəhər İnternat tipli Avropa liseyində təşkil olunan yarışda Ağsu, Şamaxı, İsmayıllı və Qobustan rayonlarını təmsil edən komandalar bilik və bacarıqlarını sınayıblar.
‎Gərgin mübarizə şəraitində keçən yarışın nəticələrinə əsasən, İsmayıllı rayonunu təmsil edən İsmayıllı şəhər E.Məmmədov adına 3 nömrəli məktəb-liseyin "Sən həmişə bizimləsən" komandası I yerə, Ağsu rayonunun komandası II yerə, Qobustan rayonunun komandası III yerə, Şamaxı rayonunun komandası isə IV yerə layiq görülüb. Qalib komanda çempionatın final mərhələsində iştirak etmək hüququ qazanıb.