İşğal olunmuş ərazilərimizin düşməndən azad edilməsi istiqamətində uğurlu hərbi əməliyyatlarda iştirak edən şəxlərdən daha bir neçəsi ilə bağlı məlumat paylaşılıb.

Bu barədə Əmək və Əhalinin Sosial Müdafiəsi Nazirliyi məlumat yayıb.

Bildirilib ki, nazirliyin tabeliyindəki Dövlət Məşğulluq Agentliyinin əməkdaşları - agentliyin aparatının baş mütəxəssisi Ağacan Məmmədli, 8 saylı Ərazi Məşğulluq Mərkəzinin müdir müavini Kamal Mirzəyev və 7 saylı Ərazi Məşğulluq Mərkəzinin baş mütəxəssisi Etibar Səmədli Vətən Müharibəsində iştirak ediblər.