Bərdə Rayon Polis Şöbəsinin təşkilatçılığı ilə rayonun 7 saylı tam orta məktəbində narkomaniya əleyhinə maarifləndirmə tədbiri keçirilib.

Tədbirdə narkomaniyanın fəsadlarından söhbət açan RPŞ-nin rəisi, polis polkovniki Ənvər Həsənov və digər çıxışçılar bu bəlanın səbəb olduğu nəticələrlə bağlı geniş məlumat veriblər, insan həyatına və sağlamlığına vurduğu zərərlərdən ətraflı söhbət açıblar. Eləcə də narkotik vasitələrin qanunsuz dövriyyəsi ilə məşğul olan şəxslərə qarşı aparılan genişmiqyaslı əməliyyat tədbirləri iştirakçıların diqqətinə çatdırılıb.

Sonda narkotiklərin törətdiyi fəsadlardan bəhs edən video çarx göstərilib və şagirdləri maraqlandıran suallar cavablandırılıb.