Görüş zamanı monitorinqin təşkili, keçirilmə qaydaları, qiymətləndirmə meyarları və prosesin səmərəli həyata keçirilməsi ilə bağlı məsələlər müzakirə edilib. Eyni zamanda, monitorinqin obyektiv və şəffaf keçirilməsinin vacibliyi vurğulanıb, iştirakçıların sualları cavablandırılıb və müvafiq tapşırıqlar verilib.
Qeyd edək ki, monitorinqin keçirilməsində əsas məqsəd şagird nailiyyətlərinin yaxşılaşdırılması, müvafiq standartlar üzrə bilik və bacarıqların hansı səviyyədə formalaşdığını müəyyən etmək, eləcə də tədrisin keyfiyyətinin artırılması istiqamətində zəruri tədbirlərin həyata keçirilməsidir. Bu baxımdan monitorinq nəticələri təhsil prosesinin daha da təkmilləşdirilməsinə və təlim keyfiyyətinin yüksəldilməsinə xidmət edəcək.