Qarabağ Regional Təhsil İdarəsinin tabeliyində fəaliyyət göstərən seçilmiş ümumtəhsil müəssisələrinin rəhbərləri, 4-cü sinif müəllimləri və müvafiq təhsil müəssisələrinin BilBacar üzrə koordinatorları üçün PİRLS (Oxu Nailiyyətlərinin Beynəlxalq Qiymətləndirilməsi) tədqiqatı ilə bağlı görüş keçirilib.
Görüşdə Tədrisin keyfiyyəti sektorunun müdiri Elməddin Bəşirov, həmçinin ARTİ-nin Qiymətləndirmə, təhlil və monitorinq mərkəzinin Milli və beynəlxalq qiymətləndirmə tədqiqatları şöbəsinin baş mütəxəssisi İmran İbişov çıxış edərək PİRLS tədqiqatının məqsədi, şagirdlərin oxu bacarıqlarının qiymətləndirilməsi istiqamətində görülən işlər, eləcə də hazırlıq mərhələsində həyata keçiriləcək tədbirlər barədə iştirakçılara ətraflı məlumat veriblər.
Sonda müəllimlərlə fikir mübadiləsi aparılıb, onları maraqlandıran suallar cavablandırılıb.
#EduAz #MÜTDA #PİRLS #BilBacar