Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində aprel ayı kimya fənni üzrə fənn aylığı elan edilir.
Fənn aylığının keçirilməsində əsas məqsəd şagirdlərdə kimya fənninə marağın artırılması, onların elmi dünyagörüşünün genişləndirilməsi, məntiqi və analitik təfəkkürünün inkişaf etdirilməsidir. Eyni zamanda, müəllimlərin peşəkar fəaliyyətinin dəstəklənməsi və tədris prosesində innovativ yanaşmaların tətbiqinin təşviqi diqqət mərkəzində saxlanılır.
Aylıq çərçivəsində açıq dərslər, laborator məşğələlər, bilik yarışları, intellektual oyunlar, seminar və təqdimatlar təşkil olunacaq. Şagirdlərin fəal iştirakı ilə keçiriləcək tədbirlər onların praktiki bacarıqlarının inkişafına və kimya fənninin gündəlik həyatla əlaqəsinin daha dərindən mənimsənilməsinə xidmət edəcək.
Qeyd edək ki, kimya fənn aylığı çərçivəsində keçirilən tədbirlər təhsil müəssisələrində elmi mühitin daha da canlandırılmasına və tədrisin keyfiyyətinin yüksəldilməsinə töhfə verəcəkdir.
#GəncəDaşkəsənRTİ #Məktəb #Müəllim #FənnAylığı