Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində fevral ayı Azərbaycan dili və ədəbiyyatı, həmçinin xarici dil fənn aylığı elan edilib.
Fənn aylığı çərçivəsində məktəblərdə şagirdlərin ana dilinə sevgi və bağlılığının artırılması, oxu mədəniyyətinin inkişafı, bədii-estetik zövqün formalaşdırılması, eyni zamanda xarici dillərin öyrənilməsinə marağın gücləndirilməsi məqsədilə müxtəlif tədbirlərin keçirilməsi nəzərdə tutulur.
Fənn aylıqlarının keçirilməsi ilə bağlı tədbirlər planına əsasən təhsil müəssisələrində, həmçinin divar qəzetlərinin buraxılması, açıq dərslərin keçirilməsi, dərsdinləmələr icra olunaraq müxtəlif tədbirlər hazırlanıb, debat və dəyirmi masalar təşkil ediləcəkdir.
Qeyd edək ki, fənn aylıqlarının keçirilməsində ümumi təhsil müəssisələrində tədrisin keyfiyyətinin yaxşılaşdırılması, fənlərin tədrisi vəziyyətinin yüksəldilməsi, şagirdlərin təlimə marağının artırılması, fənn müəllimlərinin və şagirdlərin tədris prosesində fəaliyyət səviyyəsinin öyrənilməsi və təbliği məqsədi daşıyır.