Dünən gecə Rusiya hava hücumundan müdafiə qüvvələri ölkənin regionları və Qara dəniz üzərində 43 Ukrayna dronu vurub.
Bu barədə Rusiya Müdafiə Nazirliyi məlumat yayıb.
Bildirilir ki, Bryansk bölgəsi üzərində 21 dron məhv edilib. Belqorod bölgəsi və Krım üzərində hər birində altı dron zərərsizləşdirilib.
Kursk bölgəsi üzərində beş PUA, Rostov bölgəsi və Çuvaşiya üzərində isə iki Ukrayna dronu vurulub.
Qara dəniz üzərində daha bir pilotsuz təyyarə vurulub.