Rusiya ordusu Ukrayna paytaxtı Kiyevə raketlərlə hücum edib.
Bu barədə Kiyev şəhər hərbi administrasiyasının rəhbəri məlumat yayıb.
Raketlərdən biri 24 mərtəbəli yaşayış binasına düşüb.
Hadisə nəticəsində iki nəfərin öldüyü, səkkiz nəfərin yaralandığı bildirilir.
Ölən və yaralıların sayının artacağı istisna edilmir.
Raket hücumu nəticəsində dayanacaqda saxlanılan 40-a yaxın avtomobilə də ziyan dəydiyi qeyd olunur.