11 sentyabr 2023-cü il tarixdə Gəncə-Daşkəsən Regional gənclər və İdman İdarəsinin Goranboy rayonu üzrə gənclər və idman sektorunun təşkilatçılığı ilə Goranboy Olimpiya İdman Kompleksində cüdo idman növü üzrə region idmançılarının iştirakı olmaqla “Ustad Dərsləri” keçirildi.
Tədbirdə çıxış edən natiqlər ökəmizdə idmanın inkişafından, ölkəmizdə idman və idmançılara göstərilən diqqət və qayğıdan, cüdoçularımızın avropa, dünya və olimpiya oyunlarında qazandıqları nailiyyətlərdən geniş bəhs edərək yeniyetmə və gənc cüdoçularımıza idman karyeralarında uğurlar arzu etdilər.
“Ustad Dərsləri” Azərbaycan Respublikasının əməkdar məşqçisi, Azərbaycan Respublikasının fəxri idman xadimi, 1991-1997 ci illərdə Türkiyədə cüdo yığma komandasının baş məşqçisi olmuş və hal-hazırda Azərbaycan Cüdo Federasiyasının Azərbaycan regionunun inkişafı sektorunun baş məşqçisi İsmayılov Musa Çoban oğlu və digər məşqçi-müəllimlər tərəfindən keçirildi. Tədbir zamanı məşqçi-müəllimlər yeniyetmə və gənc cüdoçulara cüdo fəndlərini öyrətməklə yanaşı idmançılara düzgün qidalanma və düzgün istirahətin vacibliyini də vurğuladılar .
Ustad dərslərinin keçirməkdə əsas məqsəd yeniyetmə və gəncləri idmana cəlb etmək, rayonda cüdo idman növünü inkişaf etdirmək, sağlam həyat tərzinə çağırış və asudə vaxtın səmərəli təşkil etməkdir.
Goranboy rayonu üzrə gənclər və idman sektoru olaraq rayonumuzda məşq keçən bütün region idmançılarına uğurlar arzu edir və bütün yarışlardan qalibiyyətlə qayıtmalarını arzulayırıq.