08 sentyabr 2023-cü il tarixdə Dağlıq Şirvan Regional Gənclər və İdman İdarəsinin Ağsu rayonu üzrə gənclər və idman sektorunun təşkilatçılığı ilə Ağsu şəhər 3 saylı tam orta məktəbdə "Taekvondo hamı üçün" devizi altında master klass keçirilib.
Tədbir zamanı məşqçi müəllim Vüqar Kərimov taekvondo idman növü haqqında yeniyetmə və gənclərə ətraflı məlumat verib. Ağsu rayonunda taekvondo idman növünün inkişafında Vüqar müəllimin çox böyük xidmətləri olmuşdur. Qeyd edək ki, Yekaterinburq şəhərində keçirilən Beynəlxalq Universitet İdman Festivalında taekvondo üzrə milli komandanın tərkibində yer alan Ağsu rayon idmançısı Vaqif Hacıyev ( 68 kq ) gümüş medal qazanmışdı. Rayonumuzun idmançısını və onun məşqçisi Vüqar müəllimi bu uğurlu nəticəyə görə təbrik edir, rayon idmanının inkişafında verdiyi töhfəyə görə təşəkkürümüzü bildiririk.
Tədbirin keçirilməsində məqsəd sağlam həyat tərzinin təbliğ olunması, taekvondo idman növünə marağın daha da artırılması olmuşdur.