İdman Arbitraj Məhkəməsinin (CAS) “Qarabağ”ın UEFA-ya qarşı qaldırdığı iddiaya baxacağı tarix müəyyənləşib.

Oxu.Az xəbər verir ki, iclas avqustun 29-da keçiriləcək.

Qeyd edək ki, Vətən müharibəsi günlərində “Qarabağ”ın mətbuat xidmətinin ozamankı rəhbəri Nurlan İbrahimovun sosial şəbəkədə postuna görə UEFA Ağdam klubunu 100 min avro cərimələyib, İbrahimovun özünü isə ömürlük futbol fəaliyyətindən məhrum edib.

Ağdam təmsilçisi qərardan şikayət versə də, N.İbrahimovun cəzası qüvvədə qalıb. Klub UEFA ilə bağlı etirazını CAS səviyyəsində gündəmə gətirib.