Münhendə Prezident İlham Əliyevdən müsahibə alan “France-24” telekanalının separatçılara verilən cəza ilə bağlı sualı məqsədyönlü xarakter daşıyır.

- Beynəlxalq diqqəti həbs olunan separatçıların üzərinə yönəltmək və onların azad edilməsi tələbini formalaşdırmaq;
- Prezidentin əfv səlahiyyətinin separatçılara şamil edilməsinin mümkünlüyünü gündəmə gətirmək: məhkəmə hökmü olduğu üçün görünür, erməni diasporu/lobbisi əfv ehtimalı üzərində düşünürlər;

Prezident İlham Əliyev cavabında separatçılarla bağlı məhkəmə hökmünün qərarının dəyişməcəyini, əfv ehtimalının da mümkün olmadığını bəyan etdi. Əsas məqam Prezidentin separatçılarla bağlı məhkəmə prosesini nasistlərin mühakimə olunduğu Nürnberq prosesi ilə eyniləşdirməsi, hətta azərbaycanlılara qarşı törədilən cinayətlərin daha dəhşətli olduğunu qeyd etməsi idi. Bu, erməni lobbisinin rəyini formalaşdırmağa çalışdığı beynəlxalq ictimaiyyətə separatçıların nasistlər qədər cani olduğunu çatdırmaq və Azərbaycanla empati qurmağa dəvət etmək məqsədi daşıyır. Separatçıların azad olunması xahişi Nürnberqdə ölüm hökmü çıxarılan nasistlərin iki aydan sonra əfv edilməsi ilə eyni şeydir.

Prezidentin müsahibədə dediklərindən aydın olur ki, ABŞ-ın vitse-prezidenti Ceyms Devid Vens də Bakıda separatçıların azad edilməsi məsələsini qaldırsa da, rəsmi Bakının prinsipial mövqeyi dəyişməyib.