Ermənistanın baş naziri Nikol Paşinyan ölkəsi ilə Türkiyə arasında münasibətlərin normallaşmasına qarşı çıxanları sərt şəkildə tənqid edib.

Ötən gün İrəvanda mətbuat konfransı keçirən Paşinyan Türkiyə mövzusu gündəmə gələndə normallaşmaya qarşı çıxanları tənqid edib.

Türkiyə ilə dialoq prosesinin davam edəcəyini vurğulayan Paşinyan deyib: "Ermənistan hökuməti qonşumuz Türkiyə ilə münasibətləri bərpa etmək səylərini davam etdirərkən, bəziləri “bu qonşumuzla düşmən qalmalıyıq” deyə mübahisə etməyə davam edir. Onlar nə dediklərinin fərqindədirlərmi? Yəni Türkiyə kimi qonşu ilə müharibə aparmalıyıq?”