Rusiyaya kütləvi dron hücumu olub.
APA-nın Moskva müxbiri xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, Hava Hücumundan Müdafiə sistemləri Rusiyanın regionları üzərində 102 PUA-nı məhv edib və ələ keçirib.
Rusiya MN-nin açıqladığı məlumata görə, 51 PUA Krım üzərində, 44 PUA Krasnodar diyarı üzərində, 6 PUA Belqorod vilayəti üzərində, 1 PUA isə Kursk vilayətinin üzərində vurulub.
Həmçinin Qara dəniz donanmasının dəniz aviasiyası və patrul katerləri Qara dənizdə Ukraynanın 6 pilotsuz katerini məhv edib.