Zaqatala rayonunda mədəniyyət işçiləri ilə görüş təşkil edildi
Şəki-Zaqatala Regional Mədəniyyət İdarəsinin təşkilatçılığı ilə Zaqatala rayon Heydər Əliyev Mərkəzində mədəniyyət işçiləri ilə görüş keçirilib.
Şəki-Zaqatala Regional Mədəniyyət İdarəsinin rəisi vəzifəsi səlahiyyətlərini müvəqqəti icra edən Nargilə Qafarova bölgədə sahənin optimallaşdırılması ilə bağlı işlərin aparılmasının, mədəniyyət işçiləri arasında peşəkarlıq səviyyəsinin, təşəbbüskarlığın artırılmasının vacibliyini diqqətə çatdırıb. Həmçinin problemlərin aradan qaldırılması, müəssisələrin daha səmərəli fəaliyyətinin təşkili ilə bağlı tapşırıq və tövsiyələrini verib.
Görüş zamanı rayonun mədəni-maarif müəssisəsilərinin işçiləri çıxış edərək mədəniyyət müəssisələrində mövcud olan problemlərdən söz açıb, onların həlli yolları ilə bağlı təkliflər veriblər.